საქართველოში მიმდინარე საზოგადოებრივ-პოლიტიკური პროცესების შესახებ თავის ვიდეომიმართვაში ისაუბრა ქვეყნის მე-3 პრეზიდენტმა. მიხეილ სააკაშვილს მიაჩნია, რომ მოქმედი ხელისუფლების არჩევნებში დასამარცხებლად ყველა უნდა გაერთიანდეს:
„მე არ ვაპირებ მშვიდად ვუყურო საქართველოს განადგურებას და საბოლოო მოსპობას. მე არ ვაპირებ ხელჩამოშვებულმა ვუყურო ქართველი ოჯახების განადგურებას და ქვეყნიდან განდევნას. რა თქმა უნდა, მე ვარ ამ ბრძოლაში. რა თქმა უნდა, ჩვენ ვაპირებთ გამარჯვებას.
ჩვენ ყველა უნდა გავერთიანდეთ, არც ახლაა ადგილების გაყოფის დრო და არც მომავალში დადგება. ვისაც გვინდა, რომ ჩვენ ხალხს დავეხმაროთ, ყველა უნდა დავდგეთ ერთად. მე, ყოველ შემთხვევაში, ნამდვილად ვიქნები ამ ბრძოლის ყველაზე წინა ხაზზე.
წელს გადაწყდება, სწორედ, სამუდამოდ ვიქნებით თუ არა მონები, მთელი დარჩენილი ცხოვრება, ივანიშვილის ჰესებზე, ბიტკოინების ქარხნებზე, ივანიშვილის მიწებზე, ივანიშვილის ოქროს საბადოებზე თუ ვიქნებით თავისუფალი ქვეყნის ამაყი, წელში გამართული მოქალაქეები.
წელს ან საბოლოოდ დაიღუპება ჩვენი ქვეყანა, ან ის გაიმარჯვებს, მესამე ვარიანტი არ არსებობს! ამიტომ ჩვენც, რა თქმა უნდა, ვემზადებით გამარჯვებისთვის,“- განაცხადა მიხეილ სააკაშვილმა.
