საპატიმროდან “ნაციონალური მოძრაობის” პოლიტსაბჭოს თავმჯდომარის ლევან ხაბეიშვილის წერილი, ემოციური პოზიციით – მადლიერება მხარდაჭერისა და სოლიდარობისთვის:
“მადლობელი ვარ ჩემი და ჩემი ძმაკაცის ირაკლი ნადირაძისადმი გამოხატული ძმური სოლიდარობისთვის. საპყრობილეში ასეთი სოლიდარობის, სიყვარულის, სითბოს ხმას და მოქმედებას რომ იღებ, შეუძლებელია არ გაგიხარდეს.
ყველაზე მეტად გამახარა ხალხის თბილმა დამოკიდებულებამ და მოკითხვებმა, რომლებმაც ჩემამდე მოაღწია ჩოხატაურიდან, ოზურეგთიდან და სამტრედიიდან.
მადლობა თითოეულს, ვინც ეს დაგეგმეთ და ახორციელებთ. ჩემი პერსონალური მოკითხვა და სოლიდარობა პუტინის პირად პატიმარს მიხეილ სააკაშვილს, ყველა პოლიტიკურ და სინდისის პატიმარს.
პატივისცემით, თქვენი მსახური“, – ლევან ხაბეიშვილი.
ინფორმაციისთვის: საქართველოს სხვადასხვა რეგიონში, მოსახლეობაში მიმდინარეობს გაზეთის – “დისიდენტი – პოლიტიკური ტყვე” გავრცელება, სადაც დაბეჭდილია ინფორმაციები ლევან ხაბეიშვილსა და ირაკლი ნადირაძეზე.
