“ახალი საქართველოს” გენერალური მდივანი, “სტრატეგია აღმაშენებლის” ერთ-ერთი ლიდერი პაატა მანჯგალაძე მაჟორიტარ კანდიდატებთან დაკავშირებით ოპოზიციური პარტიებს შორის შეთანხმების აუცილებლობაზე უსვამს ხაზს და აღნიშნავს, რომ ყველანაირი საშუალება უნდა გამოიძებნოს ოპოზიციური ერთობის შენარჩუნებისა და გაძლიერებისთვის:
“ბოლო პერიოდში ძალიან ბევრი დისკუსიაა – უნდა შეთანხმდნენ თუ არა ოპოზიციური პარტიები საერთო მაჟორიტარულ კანდიდატებზე? სწორი პასუხია რა თქმა უნდა კი, რადგან ბრძოლის ხელოვნების მარტივი სტრატეგიული საკითხია – იმარჯვებს ის, ვინც ქმნის წინააღმდეგობის უფრო დიდ და ძლიერ მიზიდულობის ცენტრს, შესაბამისად, ჩვენ საბაბი კი არ უნდა ვეძებოთ ამ ცენტრის დასაშლელად, არამედ ყველანაირი საშუალება ვიპოვოთ თუნდაც კომპრომისებით მისი შენარჩუნებისა და გაძლიერებისთვის, მაგრამ ამასთან ორი პირობით:
1. არ შეიძლება გეოპოლიტიკური არჩევანის წითელი ხაზის გადაკვეთა;
2. კომპრომისები არ უნდა მოხდეს ძლიერი სუბიექტის გაერთიანებული ოპოზიციის – ნაციონალური მოძრაობის ინტერესების ხარჯზე. აუცილებელია რაღაც გონივრული პროპორციების დაცვა“, – აცხადებს პაატა მანჯგალაძე.
