რიყის დოქების დემონტაჟის გადაწყვეტილებას მწვავე, მძიმე შეფასებებით ეხმაურება “ოპოზიციის ალიანსის” და “კოალიცია ცვლილებებისთვის” ერთ-ერთი ლიდერი, ნიკა გვარამია:
“მსოფლიო არქიტექტურის უახლესი პერიოდის მარგალიტია ე.წ. რიყის დოქები. 75 მილიონი ლარი დაჯდა მისი აშენება და გამოჩენილი არქიტექტორის მასიმილიანო ფუქსასის პროექტია. ვინმე “კერძო მესაკუთრე” 75 მილიონიან შენობას რომ ანგრევს, თან მსოფლიო არქიტექტურის მიღწევად რომ ფასდება სხვადასხვა გავლენიანი არქიტექტურული გამოცემების მიერ, უფრო ძვირფასს რას აშენებს? ან რა უფლებით ანგრევს?
ივანიშვილის, ამ პატარა ჰეროსტრატეს, გემოვნებით და პირადი სიძულვილით ნაკარნახევი გადაწყვეტილებებით მცხოვრები საზოგადოება ვართ? და თუ არ ვართ, არ უნდა დავუშვათ ეს ბარბაროსობა!
‼️ ჯერ კიდევ გვაქვს დრო, რომ არ მივცეთ ფუქსასის გამორჩეული ქმნილების დანგრევის შესაძლებლობა!
‼️ არ დავაზიანებინოთ დედაქალაქი!
‼️ თავს ნუ მოვიჭირთ მსოფლიოს წინაშე, და ნუ ვაფიქრებინებთ ყველას, რომ ბარბაროსები ვართ!” – წერს ნიკა გვარამია სოციალურ ქსელში.
