“გვეყო ხალხის მტრების ძიება, ქვეყანას და საქმეს მივხედოთ!” – პაატა მანჯგალაძე

ქვეყანაში ბოლო დროს განვითარებული მოვლენების გათვალისწინებით ოპოზიციის ერთიანობის აუცილებლობაზე აკეთებს აქცენტს “ახალი საქართველოს” გენერალური მდივანი, “სტრატეგია აღმაშენებლის” ერთ-ერთი ლიდერი პაატა მანჯგალაძე:

“ვიდრე იმაზე დავიწყებთ საუბარს – მოგვწონს თუ არა გიორგი ვაშაძე, სჯობს ვიფიქროთ ვის ინტერესს ემსახურება ოპოზიციის გაერთიანების ერთ ერთი აქტიური მხარდამჭერის და მიხეილ სააკაშვილის სტრატეგიული პარტნიორის გაშავების კამპანია?

ვის ვაძლიერებთ ამით – ხელისუფლებას თუ ოპოზიციას?

სამწუხაროა, რომ საქართველო 30 წელია დამოუკიდებელი სახელმწიფოა და კიდევ ვერ ვისწავლეთ ჩვენი ცხვირის იქეთ პროცესების დანახვა.

იცით უკრაინა რატომ არის უფრო ევროპული ქვეყანა ვიდრე საქართველო?

იმიტომ, რომ იქ არა თუ სხვა პარტიის ხალხს აძლევენ საქმის კეთების შესაძლებლობას, არამედ სხვა ერის წარმომადგენლებსაც და თქვენ წარმოიდგინეთ, მათ შორის, არჩევნებში შედარებით დაბალი პროცენტის მაჩვენებელი პარტიის.

გვეყო ხალხის მტრების ძიება, ქვეყანას და საქმეს მივხედოთ!
გამარჯვება ახლოსაა! ძალა ერთობაშია!” – აცხადებს პაატა მანჯგალაძე.

აღნიშნულ ინფორმაციას „ახალი საქართველოს“ პრესსამსახური ავრცელებს.