“სიმართლე რომ არ გაიგოს საზოგადოებამ, ამიტომაა დაკეტილი ყველაფერი მის ირგვლივ – პირადიც და საჯაროც” – ვალერი გელბახიანი ელისო კილაძესთან დაკავშირებით

მედიაჰოლდინგ “ქრონიკა +”-ის დამფუძნებლის ელისო კილაძის ადვოკატი ვალერი გელბახიანი ტვ “პირველთან” ჩართვისას თავისი დაცვის ქვეშ მყოფთან დაკავშირებით დაწესებულ შეზღუდვებზე საუბრობს:

“4 თვეა, რაც ელისო კილაძეს სისტემატურად უგრძელდება შემზღუდავი ღონისძიებები.

საგამოძიებო ორგანოს ეშინია იმ სიმართლისა, რაც ითქმევა მისი [ელისო კილაძის] მეშვეობით ამ პროცესზე და შიშის გამო, რომ სიმართლე არ გაიგოს საზოგადოებამ, ამიტომაა დაკეტილი ყველაფერი მის ირგვლივ – პირადიც და საჯაროც ანუ სასამართლო პროცესები.

წერილსაც კი ვერ გამოიტან… დოკუმენტი როცა შეგაქვს იმას კითხულობენ რა დოკუმენტია და ის არაა საპროცესო დოკუმენტი, არ შეგატანინებენ. ვერც იქედან გამოიტან ვერაფერს – ბადრაგი გჩხრეკავს და არ გაძლევს საშუალებას წერილი გამოიტანო გარეთ“, – განაცხადა ვალერი გელბახიანმა.