26 ივნისს საქართველოს პოლიტიკოსი ქალების სამუშაო შეხვედრა შედგა დიპლომატიური კორპუსის წარმომადგენლებთან. აღნიშნული შეხვედრის თაობაზე ინფორმაცია გაავრცელა პარტია “სტრატეგია აღმაშენებელმა”, რომლის ერთ-ერთი ლიდერი, ნანა ტოხვაძე, ასევე ესწრებოდა შეხვედრას:
“დღეს პოლიტიკოსმა ქალებმა დიპლომატიურ კორპუსთან სამუშაო შეხვედრა გამართეს.
მთავარ თემას პატიმრობაში მყოფი ელენე ხოშტარიას ჯანმრთელობის მძიმე მდგომარეობა და მის სიცოცხლესთან დაკავშირებული რისკები წარმოადგენდა.
გარდა ამისა, შეხვედრაზე განიხილეს:
• ქვეყანაში ქალთა უფლებრივი მდგომარეობა და მათი როლი სამოქალაქო პროტესტში;
• ქალი აქტივისტებისა და პოლიტიკოსების წინაშე არსებული გამოწვევები და მათზე განხორციელებული ზეწოლა;
• საერთაშორისო პარტნიორების აქტიური ჩართულობის აუცილებლობა დემოკრატიისა და ადამიანის უფლებების დასაცავად“, – ნათქვამია გავრცელებულ ინფორმაციაში.
