საკონსტიტუციო ცვლილებების განხილვას ეხმაურება პარტია „ახალი საქართველოს“ თავმჯდომარე გიორგი ვაშაძე და მიაჩნია, რო გიორგი რურუა აუცილებლად გათავისუფლდება საპატიმროდან, საკონსტიტუციო ცვლილებები კი განხორციელდება. ოპოზიციონერი ლიდერის განცხადებით „ქართული ოცნების“ მიერ დადგმულ ფარსში მონაწილეობის მიღებას არ აპირებს და ის წამალი, რომელმაც უგულავა/ოქრუაშვილი გაათავისუფლა, ამ საკითხსაც ბოლომდე მიიყვანს:
„პირველი – გიორგი რურუა აუცილებლად გათავისუფლდება და მეორე საკონსტიტუციო ცვლილებებს აუცილებლად მივიღებთ. ეს საკითხი დიდი ხანია განხილულია.
იმ ფარსში, რომელშიც „ქართული ოცნების“ წევრები თამაშობენ მონაწილეობას არ მივიღებ. ყველას ვურჩევ, რომ ნუღარ დაიღლით ზედმეტად გონებას ამ ყველაფრით. ის წამალი, რომელმაც „ქართულ ოცნებაზე“ იმოქმედა ამ საკითხს მიიყვანს ბოლომდე.
ყველა დეტალს ვერ ვიტყვი, მაგრამ როგორც დარწმუნებით ვამბოდი, რომ უგულავა/ოქრუაშვილი გათავისუფლდებოდნენ, ბევრს ამის არ სჯეროდა, სწორედ ასე ვამბობ, რომ საკონსტიტუციო ცვლილებები აუცილებლად განხორციელდება“, – აცხადებს გიორგი ვაშაძე.
ოპოზიციის სხვა წარმომადგენლებიც ასევე აცხადებენ, რომ საკონსტიტუციო ცვლილებების განხილვაში მონაწილეობას არ მიიღებენ თუ 8 მარტის შეთანხმება სრულად არ შესრულდება და გიორგი რურუა ციხიდან არ გათავისუფლდება. ცვლილებების პირველი საყოველთაო განხილვა 4 ივნისს არის ჩანიშნული.
ავტორი
თამთა ასლანიშვილი