ჭავჭავაძის კვლევითი ცენტრის დამფუძნებელი ზაზა ბიბილაშვილი მთავრობის მეთაურის, ირაკლი კობახიძის მიერ სპეციალურ ბრიფინგზე დაფიქსირებულ პოზიციას “ბატონმა ბიძინა ივანიშვილმა თეთრი ხელთათმანებით, ყოველგვარი ძალადობისა და შეურაცხყოფის გარეშე [წინა] რეჟიმი ძალაუფლებას ჩამოაშორა და ადამიანის უფლებებზე დაფუძნებული დემოკრატიული მმართველობა დაამკვიდრა“, კონკრეტული ფაქტების შეხსენებით ეხმაურება:
“ანუ 2012 წლის 30 სექტემბერს, არჩევნების წინა ღამეს, 9 თვის ბარბარე რაფალიანცმა თვითონ დაახურა ქვევრს თავი მას შემდეგ, რაც შიგნით ჩახტა, რათა საკუთარი მკვლელობა “ნაციონალური მოძრაობის” ხელისუფლებისთვის დაებრალებინა ივანიშვილის ტელევიზიითა და მანანა ბერიკაშვილის პირით?
და ციხის კადრების პროდიუსერი, დამდგმელი რეჟისორი, ოპერატორი და მთავარი როლის შემსრულებელი ვლადიმირ ბედუკაძე რა აზრისაა ამაზე (აი, ის, მოსკოვში რომ დააჯილდოვეს ამ საქმისთვის)? ოდნავაც არ გასვრილა ის “თეთრი ხელთათმანები”?” – წერს ზაზა ბიბილაშვილი სოციალურ ქსელში.
