საქართველოს მე-3 პრეზიდენტი მიხეილ სააკაშვილი, ოპოზიციაში შექმნილ რეალობასთან დაკავშირებით, თავის პოზიციას აფიქსირებს და კონკრეტულ შეთავაზებებს აკეთებს:
“ალბათ შეამჩნევდით რომ თავდასხმების აგრესიულ, ზოგჯერ ცილისმწამებლურ ტალღას ხაზგასმით მოზომილად და თავშეკავებით ვპასუხობ.
ამას იმიტომ კი არ ვაკეთებ, რომ საპასუხო არაფერი მაქვს, რა თქმა უნდა, ყველაფერზე შეიძლება მკვეთრი დასაბუთებული პასუხის გაცემა და თავდამსხმელების პოლიტიკურ მიწაში ჩადება, მაგრამ მიმაჩნია რომ დღეს ასეთი ყოველგვარ შინაარსს მოკლებული უბრალოდ. პირადი ხასიათის კონფლიქტები შეგნებულად თუ შეუგნებლად არის დიქტატორის დაკვეთის შესრულება.
ის ამით ეუბნება ხალხს – მე შეიძლება არ მოგწონდეთ, მაგრამ აი ესენი ახლა, ერთმანეთს რომ ასე ჭამენ, მართლა რომ მოვიდნენ ხელისუფლებაში მაშინ ხომ წარმოგიდგენიათ რა მოხდება, ხოდა ისევ სტაბილური უძრაობა სჯობს.
თუ ვიღაცას დებატების საღერღელი აეშალა, მოვუწოდებ იმაზე იკამათოს თუ როგორ დავამარცხოთ დიქტატორი და იდეების შეჯიბრში შევიდეს და არა პირადულ, მოგონილი თუ ნამდვილი წყენების და სხვისი დამცირების მცდელობების“, – აცხადებს მიხეილ სააკაშვილი.
