„თქვენ დღემდე არ გაგიციათ არცერთი დანაპირები, არც 1200 ლარიანი, არც 300 ლარიანი, თუ გინდათ 133 მილიონი „მუთაქაში გქონდეთ გამოდებული“ და შენახული?! რატომ არ გაეცით ეს ფული?!“ – ეს განცხადება ფრაქცია ნაციონალური მოძრაობის თავმჯდომარემ რომან გოცირიძემ პარლამენტში სიტყვით გამოსვლისას გააკეთა და ეჭვქვეშ დააყენა იმ 100 მილიონი ლარის არსებობა, რომელიც ბიძინა ივანიშვილმა კოვიდის ფონდში ჩარიცხა. ოპოზიციონერი ლიდერის განცხადებით პრემიერ-მინისტრის გუშინდელი პრეზენტაცია კორუფციული გარიგება იყო ხელისუფლებასთან დაკავშირებულ სამშენებლო კომპანიებთან:
„საქართველოს მთავრობა ერთადერთი ხელისუფლებაა მსოფლიოში, რომელმაც კორონავირუსის პერიოდში საკუთარ მოქალაქეებს არცერთი თეთრი ფინანსური დახმარება არ გაუწია.
სახლში გამოკეტილი ხალხი, ყოველგავრი შემოსავლის გარეშე დარჩენილი ადამიანები, ფაქტობრივად გაწირეთ შიმშილისათვის. ჩვენ ვისმენთ უამრავ დაპირებას, მათ შორის ერთ-ერთი პრეზენტაცია მოაწყვეთ გუშინ ღია ცის ქვეშ და თურმე, თქვენ პირდებით ადამიანებს ბინების აშენებას და ასევე იძულებით გადაადგილებულ პირებს გაორმაგებული ტემპით აუშენებთ ბინებს, 150 მილიონი ერთ პროექტში გამოყავით, 75 მილიონი მეორე პროექტში. სინამდვილეში ეს არის კორუფციული გეგმა ბატონო პრემიერ-მინისტრო.
თქვენთან, დეპუტატებთან, თბილისის მერიასთან და საერთოდ ხელისუფლებასთან და ივანიშვილთან დაახლოებული სამშენებლო კომპანიებისათვის ფულის შოვნის სქემაა. გსურთ მოასწროთ ამ 4 თვეში ის ფინანსური საერთაშორისო დახმარებები, რომელიც მოდის კრედიტების სახით თქვენს ბიზნესებს წაახმაროთ.
რომელ სამშენებლო სუბსიდირებაზეა დახმარება როდესაც ხალხს შია?! როცა თქვენ დღემდე არ გაგიციათ არცერთი დანაპირები, არც 1200 ლარიანი, არც 300 ლარიანი, თუ გინდათ 133 მილიონი „მუთაქაში გქონდეთ გამოდებული“ და შენახული რატომ არ გაეცით ეს ფული?! თუ გინდათ კვლავ როგორც 80 მილიონზე გააკეთა ივანიშვილმა სტიქიის დროს უკან დაუბრუნოთ. საერთოდ არსებობს კი ეს 100 მილიონი?!“ – განაცხადა რომან გოცირიძემ.
ავტორი
თამთა ასლანიშვილი