“ვისურვებდი თავისუფლება, ილუზორულობის ნაცვლად, სინამდვილედ გვექცია და მომავალში თარიღებზე მეტად რეალური თავისუფლება გვეზეიმა” – არჩილ გამზარდია

პოლიტიკური ფილოსოფიის დოქტორი, ანალიტიკოსი არჩილ გამზარდია საქართველოს დამოუკიდებლობის აღდგენის სადღესასწაულო ღონისძიებებს ეხმაურება:

“26 მაისის და 9 აპრილის დამოუკიდებლობის აქტის აღდგენ(ებ)იდან ჩვენს ქვეყანას დარჩა თარიღები, სიმბოლოები, თავისუფლების კი რა გითხრათ.

თავისუფალი ქვეყანა და მმართველობა, რომელიც თავისუფლებასა და დამოუკიდებლობაზეა ორიენტირებული, არ არის ძალადობრივი საკუთარ ხალხთან ურთიერთობაში. ჩვენი ქვეყანა კი დღეს ლამის ძალადობრივია და ერთმანეთთან ძალადობრივი ურთიერთობის გარდა სხვა ენა თითქმის აღარ შემოგვრჩა.

დღეს ჩვენ არ ვართ თვითკმარი, თანამშრომლობასა და ჰარმონიაზე აწყობილი ქვეყანა, სადაც ერთმანეთა აღიარებენ ადამიანები, ჩვენ ვცხოვრობთ კრებითი კოლექტივიზმის კონცეფციით და კოლექტიურობა სპობს ინდივიდისა და შესაბამისად, სახელმწიფოს თავისუფლების პერსპექტივას.

ვისურვებდი თავისუფლება, ილუზორულობის ნაცვლად, სინამდვილედ გვექცია და მომავალში თარიღებზე მეტად რეალური თავისუფლება გვეზეიმა“, – წერს არჩილ გამზარდია სოციალურ ქსელში.