დიუშენის კუნთოვანი დისტროფიით დაავადებული ბავშვების დასახმარებლად, “დაიცავი ილიაუნის” ინიციატივას, სოციალურ ქსელში გამოქვეყნებული ემოციური პოსტით ეხმაურება პოლიტიკური ფილოსოფიის დოქტორი, ანალიტიკოსი არჩილ გამზარდია:
“იშვიათად, მაგრამ არსებობს პროცესი, რომელსაც ნაკლი არ აქვს, რადგან სრულად საზოგადოებრივი სიკეთეა და ჰუმანიზმის აქტი, ასეთი იშვიათი სრულუოფილად ჰუმანური აქტია სტუდენტების და ახალგაზრდების მოწადინება დიუშენის ბავშვების მხარდასაჭერად.
ვინც უკადრებელს იკადრებს და აქაც კი შეეცდება ლაფის სროლას, მხოლოდ თავად დაისვრება, ამიტომ არც არავის გირჩევდით ამ სიკეთის წინააღმდეგ წასვლას.
გირჩევთ მხოლოდ იმას, ვინც გინდათ იყოთ, თუ გვერდით არ დაუდგებით, არც დააფასებთ იმ იშვიათ სინათლეს, რაც ჩვენს ქვეყანას უკვე დიდი ხანია აკლია, წინააღმდეგ მაინც ნუ წახვალთ, რადგან სიკეთესა და სინათლეს მხოლოდ ბოროტება და სიბნელე ეწინააღმდეგება.
წარმატებები ჩვენი ქვეყნის რჩეულ ახალგაზრდებს, ვინც სიკეთეს ქმნით“, – წერს არჩილ გამზარდია.
