,,ოპოზიციის ალიანსის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე ჟურნალისტებთან კომენტარს აკეთებს 26 მაისის ღონისძიებასთან დაკავშირებით:
,,ძალიან დიდი მადლობა მინდა ვუთხრა, მართლაც პატრიოტ და გულანთებულ ადამიანებს, რომლებიც აქტიურად მონაწილეობენ პროტესტში. ჩვენ მათთან ვისაუბრეთ იმ საკითხებზე, რომლის გამოტანაც გვინდა 26 მაისს. ასევე ვისაუბრეთ იმ ბარიერებზე, რომელსაც გვიქმნის რეჟიმი. იცით, რომ სცენის შეტანის შესაძლებლობას არ გვაძლევენ, თუმცა ალტერნატიული სცენარები უნდა განვიხილოთ იმისთვის, რომ საბოლოო ჯამში 26 მაისის შედგეს.
მე, პირველ რიგში, ყველას მინდა ვუთხრა: 26 მაისს 19:00 საათზე თსუ-ს პირველ კორპუსთან ვიკრიბებით, გელოდებით აბსოლუტურად ყველას – მშვიდად, წყნარად ჩაივლის ეს დღე, რაც არ უნდა შეეცადოს იქეთა მხარე, რომ შეგვიშალოს ხელი, რაღაც პროვოკაციულ ქმედებებს ჰქონდეს ადგილი…
ეს ხო იმას მიანიშნებს, მათ ეშინიათ, რომ ძალიან ბევრი ხალხი გამოვა. ფაქტია – რომ არ ჰქონდეთ იმის განცდა, ბევრი ხალხი გამოვა, ხელს არ შეგვეშლიდნენ, სცენის დადგმის პრობლემა რაღაშია?! მით უმეტეს, რომ რუსთაველზე და მის მიმდებარე ტერიტორიაზე, თავისუფლების მოედნის აქეთ, არაფერი ღონისძიება არ არის დაგეგმილი, მაგრამ რა თქმა უნდა, ჩვენ სახელმწიფოებრივად მივუდგებით ამ საქმეს.
ეს არის დამოუკიდებლობის დღე, ეს არის დიდი ერთიანობის დღე და ამ ერთიანობას აუცილებლად ყველანი ერთად აღვნიშნავთ“, – განაცხადა გიორგი ვაშაძემ.
ავტორი
მარიამ ხაჩირაშვილი
