ინტერნეტში გავრცელდა საქართველოს მე-3 პრეზიდენტის, მიხეილ სააკაშვილის მიერ 21 მაისს სასამართლო სხდომაზე გაკეთებული სკანდალური განცხადების აუდიოჩანაწერი:
“მე მინდოდა საქართველოში ჩამოსვლა იმიტომ, რომ მიუხედავად უკრაინაში დალხენილი ცხოვრებისა, შეუძლებელი იყო მეყურებინა ჩემი ქვეყნის ასეთი დაკნინებისთვის.
ეს არ იყო მარტივი ჩამოსვლა, იმ გაგებით, რომ რუსეთის აგენტურა იყო ჩემს გარემოცვაში ჩასმული. იყო ერთი ადამიანი, რომელიც მუდმივად ჩამოდიოდა [ჩემთან და მეუბნებოდა] – “ჩამოდი, ჩამო, ჩამო, ჩამო“. ამის თქმა მე არ მჭირდებოდა, მაგრამ მერე გარკვეული ნდობა გაიჩინა ჩემს გარემოცვაში.
ჯერ, პირველად როცა მოვდიოდი 2020-ში, ჩემი კოორდინატები ივანიშვილის ხელისუფლებას გადასცა და როდესაც იახტით მოვადექით საქართველოს, განგაში გამოცხადდა, წინასწარ ყველაფერი იცოდნენ და მომიხდა უკან დაბრუნება.
მეორეჯერ, აქ როცა ჩამოვედი, უნდა დამხვედროდა, მაგრამ არა მხოლოდ არ დამხვდა არამედ, ზუსტად 2 საათში, მას შემდეგ რაც გამოვაქვეყნე ვიდეო, ორ საათში რუსეთის დავალებით ჩემი მონაცემები გადასცა მაშინდელ ძალოვან სტრუქტურებს.
არის ასეთი ადამიანი, ის შეიძლება სხვა პროვოკაციებშიც მონაწილეობდა, მაგრამ ამას მნიშვნელობა აღარ აქვს.
ღალატი იყო და იქნება, მთავარია ჩვენ ამას არ შევეგუოთ და ვიყოთ მოწოდების სიმაღლეზე!” – განაცხადა მიხეილ სააკაშვილმა.
