“❓ 🐠 იცოდით, რომ მდინარის კარჩხანას “მამრის გარეშე” გამრავლება შეუძლია” – საინტერესო ფაქტები

ველური ბუნების ეროვნული სააგენტოს მორიგი საინტერესო ინფორმაცია – მდინარის კარჩხანა:

❓ 🐠 იცოდით, რომ მდინარის კარჩხანას „მამრის გარეშე“ გამრავლება შეუძლია.

ზოგიერთ წყალსატევში კარჩხანას პოპულაცია თითქმის მთლიანად მდედრებისგან შედგება.

ქვირითობის დროს კარჩანას მდედრები სხვა კობრისებრი თევზების: კობრის, ნაფოტას ან კაპარჭინას მამრების სპერმას იყენებენ. სპერმა კვერცხუჯრედს ასტიმულირებს თუმცა მამრის გენეტიკური მასალა შთამომავლობაში თითქმის არ გადადის.

შედეგად, ახალი ინდივიდები ისევ მდედრები არიან. სწორედ ამიტომ კარჩხანას შეუძლია ძალიან სწრაფად გამრავლება და სწრაფად დიდი რაოდენობით გავრცელება.

კარჩხანა ხშირად პრობლემურ, ინვაზიურ სახეობად იქცევა. ფართო გამრავლების უნარისა და მაღალი ეკოლოგიური ამტანობის გამო, მან წყალსატევში შეიძლება ადგილობრივი სახეობები კონკურენციით შეავიწროოს – განსაკუთრებით საკვების, საბინადრო ადგილებისა და ქვირითობის სივრცის მიმართულებით.