“ივანიშვილი არც პირველი იქნება და არც უკანასკნელი, ვისაც რეჟიმი ჩამოემხობა, თან შეიძლება სულაც ისეთ დროს, როცა საერთოდ არ ელის” – ნინო ჯანგირაშვილი

ტელეკომპანია “კავკასია”-ს გენერალური დირექტორის ნინო ჯანგირაშვილის კონკრეტული შეფასება-მოსაზრებები “ქართული ოცნების” საპატიო თავმჯდომარე, ბიძინა ივანიშვილთან დაკავშირებით:

“როცა ვამბობთ, რომ ივანიშვილმა დიქტატურა დაამყარა და თან რაღაცნაირად, ლაითად ვუყურებთ მისი გაშვების ამბავს, არ არის სწორი. ივანიშვილს ის ზღვარი უკვე გადალახული აქვს, როცა ძალაუფლების დათმობა უბრალოდ ცხოვრების წესის შეცვლის საკითხია. ძალაუფლების დაკარგვა მისთვის უკვე სიკვდვილ–სიცოცხლის ამბავი შეიძლება იყოს.

მართალია, მისი რეჟიმი ცოტა კომიკურად გამოიყურება სხვა დიქტატურებთან შედარებით, მაგრამ სტრუქტურულად ყველა დიქტატურა რაღაცით ერთმანეთს გავს.

ივანიშვილი არც პირველი იქნება და არც უკანასკნელი, ვისაც რეჟიმი ჩამოემხობა, თან შეიძლება სულაც ისეთ დროს, როცა საერთოდ არ ელის. მაგრამ საინტერესოა რა მოტივები და რა შიშები ამოძრავებს დღეს მას. როგორ უყურებს და ითვლის რისკებს. მისი სიტუაცია პრინციპში ქრესტომათიულია“, – წერს ნინო ჯანგირაშვილი სოციალურ ქსელში.