მთავრობის ვიცე-პრემიერის, მამუკა მდინარაძის მიერ ბრალდებულ მოძალადე სამართალდამცავების მიმართ დაფიქსირებულ პოზიციას, მწვავე შეფასებებით ეხმაურება ანტისაოკუპაციო მოძრაობის ლიდერი, სამოქალაქო აქტივისტი დავით ქაცარავა:
“რასაც ვამბობდი – ამ ხუთი ნაძირალას ვითომ დასჯით გადმოგვიგდეს ძვალი – ხედავთ, გამოვიძიეთ ძალადობა და დამნაშავეები დავსაჯეთ.
5 ნაძირალა ჯალათი. მაგრამ სულ ეს იყო.
თურმე, მხოლოდ კერძო ინიციატივა ყოფილა და მეტი არაფერი.
დანარჩენი ასეულობით ნაწამები ადამიანი თურმე არც ყოფილა არც ნაცემი და არც ნაწამები.
ბრძანება არავის გაუცია და ამით მორჩა კინო, დავიშალეთ.
საბოლოოდ ყველა ამოლპებით იქ, სადაც თქვენი ადგილია.
მოვა ეს დღეც“, – წერს დავით ქაცარავა სოციალურ ქსელში.
ინფორმაციისთვის – მამუკა მდინარაძის მიერ ბრიფინგზე გაკეთებული იყო განმარტებები მოძალადე სამართალდამცავებთან დაკავშირებით:
“როგორც ჩანს და მტკიცებულებებიც ამაზე მიუთითებენ – ეს იყო კერძო ინიციატივები და ცალკეული შემთხვევები.
ამას რომ ჰქონოდა სისტემური ხასიათი – არ იქნებოდა, პირობითად, მხოლოდ ერთი დაზარალებული ჟურნალისტი და იქნებოდა ბევრი“, – აცხადებს მამუკა მდინარაძე.
