“ოპოზიციის ალიანსი” 26 მაისის მასშტაბული საპროტესტო აქციისთვის ემზადება. აღნიშნულთან დაკავშირებით მედიასთან კომენტარი გააკეთა მთავრობის მეთაურმა, ირაკლი კობახიძემ და ოპოზიციის შესაძლებლობები შეაფასა.
“რა თქმა უნდა, სრული ფიასკოსთვისაა განწირული [ოპოზიციის] ნებისმიერი ინიციატივა.
ხედავთ, რომ ეს ადამიანები 10 კაცშიც კი ვერ ახერხებენ ერთიანობის შენარჩუნებას. ასეთ პირობებში, ვერცერთ მათ პოლიტიკურ ინიციატივას ვერ ექნება წარმატება, მათ ხალხთან მისასვლელი პირიც არ აქვთ. დააანონსეს ხალხში გასვლა და ხალხში ვერ გავიდნენ.
ერთმანეთსაც კი ვერ ელაპარაკებიან, არათუ, ხალხთან შეუძლიათ საუბარი.
ასეთ პირობებში, ნებისმიერი მათი ინიციატივა იმთავითვე განწირულია წარუმატებლობისთვის“, – განაცხადა ირაკლი კობახიძემ.
