ჟურნალისტ ვახო სანაიას ირონია ექსპრემიერ ირაკლი ღარიბაშვილთან დაკავშირებით:
“შინაგანად ირაკლი ღარიბაშვილი თავისი პატიმრობით სჯის ბიძინა ივანიშვილს. მისი აზრით, ეს უნდა მივიდეს იმ ეტაპამდე, როცა მამა ისევ ჩაიკრავს გულში და მერე ორივე იტირებს. ისინი ცრემლით გამოისყიდიან ამ სასჯელს.
ეს ასკეტიზმის, უფრო მეტიც, მარტვილობის ერთგვარი ფორმაა, რაც დიდი სიბრალულით უნდა დასრულდეს. ეს სიბრალული კი ბიძინას გულში უნდა დაიბადოს.
სიბრალული, მოგეხსენებათ, ისეთი გრძნობაა, ნებისმიერს გატეხს. შეცოდებაში არ აგერიოთ, სიბრალული უფრო ღრმა ცნებაა.
სერიოზული ფენომენია. იმის ნაცვლად ამ მოვლენას იკვლევდეთ, დგახართ და ქილიკობთ“, – წერს ვახო სანაია.
