“ირაკლის არაფერში სჭირდება ჩვენი ქვეყნის მიმართ მტრულად განწყობილი ევროპარლამენტარების “ზრუნვა” ,”შეშფოთება” და “წუხილი”…!” – ალექსანდრე თამაზაშვილი

ევროპარლამენტარებს, მთავრობის ყოფილი მეთაურის, ირაკლი ღარიბაშვილის მიმართ განხორციელებულ სამართლებრივ დევნასთან დაკავშირებით, შეკითხვები აქვს და ეჭვს გამოთქვამენ, თუ რამდენად იყო დაცული სამართალწარმოების დროს სამართლიანი სასამართლოს სტანდარტები, ექსპრემიერის მიმართ. აღნიშნულთან დაკავშირებით სოციალურ ქსელში თავისი პოზიცია დააფიქსირა და განმარტებები გააკეთა ირაკლი ღარიბაშვილის ცოლისძმამ, ყოფილმა დეპუტატმა “ქართული ოცნებიდან”, ალექსანდრე (ლექსო) თამაზაშვილმა:

“ევროპარლამენტარების მიერ მიღებულ მორიგ ანტიქართულ ანგარიშში ირაკლის შეყვანა და მოხსენიება არის ფარისევლური, ყალბი და მიზანმიმართულად პროვოკაციული ნაბიჯი, რაც აშკარად რადიკალურ-ექსტრემისტული ოპოზიციის ლობიზმის შედეგია.

მათი ეს პრიმიტიული, მაგრამ ბინძური პროვოკაცია გათვლილია ქვეყნის შიდა პოლიტიკურ დღის წესრიგში, მათთვის სასარგებლო ყალბი სპეკულაციების გასაჩენად, ინტრიგის შემოსატანად და დეზინფორმაციის გასავრცელებლად.

ირაკლისთვის საქართველოა უპირველეს ყოვლისა! შესაბამისად, არაფერში სჭირდება ჩვენი ქვეყნის მიმართ მტრულად განწყობილი ევროპარლამენტარების “ზრუნვა” ,“შეშფოთება” და “წუხილი”…!” – წერს ალექსანდრე თამაზაშვილი.