პარლამენტის ფრაქცია “ქართული ოცნების” თავმჯდომარის პირველი მოადგილე, ლევან მაჭავარიანი პოლიტიკურ შეფასებებს აკეთებს “ოპოზიციის ალიანსთან” დაკავშირებით:
“ეს არის გარე მითითებით შექმნილი მორიგი ალიანსი და რა თქმა უნდა, არანაირი დღის წესრიგი არ გააჩნიათ. უბრძანეს და ის ადამიანები, რომლებიც ლანძღავენ და ეზიზღებათ ერთმანეთი, ხელახლა დაჯგუფდნენ.
კარდაკარს ვერ ჩაატარებენ და თუ სადმე მივლენ, ისევ თავიანთი პარტიული აქტივის ბინებში ივლიან. თან, რაღაც დახურული შეხვედრები აქვთ იქიდან გამომდინარე, რომ ეშინიათ ფართო საზოგადოებაში გასვლის – ამ რეჟიმში არიან.
რა თქმა უნდა, არც შეკრება გამოუვათ და არც არანაირი მიზნის მიღწევა“, – განაცხადა ლევან მაჭავარიანმა.
