შეძენასთან დაკავშირებით შექმნილ რეალობაზე საუბრობს და სკანდალზე აკეთებს მინიშნებას პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი რომან გოცირიძე:
“ეროვნული ბანკი მორიგ სკანდალში ეხვევა. გაირკვა რომ “ლიბერთი ბანკი” “ბაზისბანკს” არ უყიდია, ის ჩინურმა სამშენებლო კომპანია “ჰუალინგმა” 250 მილიონ დოლარად შეიძინა. ეს ფული მან “თბს ბანკიდან” ისესხა.
ერთმა ბანკმა რომ იყიდოს მეორე ბანკი, რომელიც არის სპეციფიკური საფინანსო ინსტიტუტი, რომელიც 1,7 მილიონ ფიზიკურ პირს ემსახურება თუ სამშენებლო კომპანიამ იყიდა, ეს ორი აბსოლუტურად სხვადასხვა რამ არის. გამოდის, რომ ერთ ჩინურ სამშენებლო კომპანიას საქართველოში აქვს ორი ბანკი.
არის თუ არა ეროვნული ბანკის წინაშე აღებული ვალდებულება, რომ ეს ორი ბანკი გაერთიანდება? “თბს ბანკის” ვალი რომ ვერ დაფაროს ჰუალინგმა, “ლიბერთი ბანკი” გადავა თუ არა “თბს ბანკის” საკუთრებაში, რაც კონცენტრაციის სხვა რისკებსაც წარმოშობს? ორი ჩინური ბანკის რესურსები ხომ არ მოხმარდება ერთი სამშენებლო კომპანიის დაკრედიტებას და პენსიები და სოციალური შემწეობები ხომ არ გახდება “ჰუალინგის” დაფინანსების ერთ-ერთი მთავარი წყარო? ერთი მესაკუთრის ორი ბანკი რამდენად იქნებიან ერთმანეთთან ჯანსაღ კონკურენციაში?
არასწორად გავრცელებული ინფორმაცია, რომ “ბაზისბანკმა” იყიდა “ლიბერთი ბანკი”, საზოგადოების შეცდომაში შეყვანაა და დამახინჯებულად აჩვენებს მოვლენის არსს.
ეროვნულმა ბანკმა დაუყოვნებლივ უნდა გასცეს პასუხი ამ გარიგების მიზანშეწონილების შესახებ. სინამდვილეში ამის ერთ-ერთი მიზეზი ხომ არ იყო სანქციების მომლოდინე რუხაძისა და კომპანიისათვის 250 მილიონი დოლარის (პლიუს დივიდენდები) გატანის ოპერაცია?” – წერს რომან გოცირიძე სოციალურ ქსელში.
