საპროტესტო მოძრაობის მნიშვნელობის შესახებ წერს სოციალურ ქსელში “კოალიცია ცვლილებებისთვის” წევრი, უფლებადამცველი მარიკა არევაძე და ემოციურ შეფასებებს აკეთებს როგორც პრობლემების ქვეშ მყოფ ხალხთან, ასევე აქტივისტებთან დაკავშირებით:
“რუსთაველზე მდგომი ხალხი არიან თანამედროვეობის გმირები, ადამიანები რომლებიც იბრძვიან იდეისთვის და ამ ბრძოლაში თმობენ საკუთარ კეთილდღეობას!
ეს ადამიანები ითხოვენ:
– ხელმისაწვდომ ჯანდაცვას;
– თანამედროვე მკურნალობის და მედიკამენტების ხელმისაწვდომობას;
– ხარისხიან განათლებას;
– კანონის წინაშე თანასწორობას;
– უსაფუძვლოდ დაჭერილი ადამიანების გათავისუფლებას;
– თავდაცვისუნარიანობას და ა.შ.
ბევრის ჩამოთვლა შეიძლება, თუმცა არ მინდა პოსტი გამიგრძელდეს.
რუსთაველის საზოგადოება დასაფასებელი და მოსაფრთხილებელია. დრო მოვა და ამას ყველა გააცნობიერებს.
თანადგომა და ერთიანობაა საჭირო ყველას მიმართ, თანადგომაა საჭირო როგორც რეჟიმის პატიმრების, ასევე მათი ოჯახის წევრების და ასევე იმ მშობლების, რომლებიც წამალს ითხოვენ საკუთარი შვილებისთვის და ამავე დროს ჯერ ვერ აცნობიერებენ, რომ რუსთაველის გამარჯვება წამლის მიღებასაც ნიშნავს.
ნებისმიერ შემთხვევაში, მე ვიქნები ყველა მშობლის გვერდით და მოვითხოვ წამალსაც და თავისუფლებასაც!” – წერს მარიკა არევაძე.
