მედიასთან კომენტარეში, მთავრობის მეთაურმა, ირაკლი კობახიძემ, სურსათის გაძვირებასთან დაკავშირებით, დასმულ შეკითხვებზე განმარტებები გააკეთა, ერთგვარი დაკონკრეტებებით:
“გაძვირება ერთი რომ არის ტყუილი იმიტომ, რომ, პირიქით, შენელებულია ინფლაციური პროცესები, მაგრამ ჩვენ ამით არ ვკმაყოფილდებით.
ჩვენი ამოცანაა, რომ ფასები შემცირდეს, რამდენადაც ეს არის შესაძლებელი.
კომისია ამ კვირაში ამთავრებს მუშაობას. ჩვენ სამუშაო პროცესი მთავრობაში გვექნება მომავალ კვირაში და ამის შემდეგ უკვე საბოლოო გეგმით წარვდგებით საზოგადოების წინაშე“, – განაცხადა კობახიძემ.
ჟურნალისტი: თქვენ ბოლოს როდის იყავით მაღაზიაში, როცა ამბობთ… ან თქვენი ოჯახის წევრი, რომელმაც იცის რეალური ფასები?
ირაკლი კობახიძე: ვებ-გვერდზე დევს ფასები და რა ფასებიც იყო ერთი თვის წინ, იგივე ფასებია შენარჩუნებული, განსაკუთრებით ძირითად პროდუქტებზე. კომპიუტერში ასახულია რეალური ფასები, რაც გვხდება მაღაზიაში.
ჟურნალისტი: არასწორია! ყველაფერი გაძვირდა.
ირაკლი კობახიძე: არა, არა. რა გაძვირდა აბა? კვერცხი რა ღირდა და რა ღირს ან კარაქი?
ჟურნალისტი: კვერცხი 85 თეთრი ღირს, სოფლის კვერცხი.
ირაკლი კობახიძე: 4.60-ად გაყიდინოთ 10 კვერცხი?
ჟურნალისტი: ხორცი რა ღირს იცით? 40 ლარი…
ირაკლი კობახიძე: მე წაგიყვანთ და საქონლის რბილ ხორცს და ღორის რბილ ხორცს გაყიდინებთ ნახევარ კილოგრამს 10 ლარში.
“გაჩვენებთ ფასებს, მათ შორის, ვებ-გვერდზე და შეგიძლიათ გადაამოწმოთ“, – დაამატა/დააკონკრეტა ირაკლი კობახიძემ.
