მიხეილ სააკაშვილის პოლიტიკურ აქტიურობას, ნეგატიური შეფასებებით და მძიმე მინიშნებებით, ეხმაურება ანალიტიკოსი ზაალ ანჯაფარიძე:
“სააკაშვილის საინფორმაციო ჰიპერაქტიურობას სოცქსელებში, სატელევიზიო გამოსვლებიც დაემატა, სადაც ის ცდილობს საკუთარი თავის გარეცხვას, უყვება ხალხს პოზიტიურ ისტორიებს მისი მმართველობის პერიოდიდან, ცდილობს დაგეშოს საპროტესტო აქციებისთვის და ა.შ.
ეს არის პოლიტიკური კომუნიკაციის ჩვეულებრივი და აპრობირებული მეთოდები. სააკაშვილმა ერთმანეთში გადაზილა მანიპულირება, ინდოქტრინაცია, დაყოვნებულ ეფექტზე გათვლა, რომ საბოლოო ჯამში თუნდაც დაგეგმილის ნახევარს მიაღწიოს.
კიდევ ერთხელ ვიტყვი, რომ მიდგომამ, თითქოს სააკაშვილი ასეთი აქტივობით ისევ საკუთარ თავს ვნებს და ნუ შევუშლით ამაში ხელს, გარკვეულწილად თავი ამოწურა. შესაბამისად, პატიმარს და ისიც უცხო ქვეყნის მოქალაქეს, პლუს სააკაშვილს, უნდა მოექცე ისე, რომ მან ვერ შეძლოს სახელმწიფო ინტერესების დაზიანება, მითუმეტეს ასეთ კრიტიკულ მომენტში.
მავანი მეტყვის, რომ სურათს ვამუქებ, ვაჭარბებ და ა.შ. თუმცა, ვიდრე პოსტს დავწერდი, ვიფიქრე საკითხზე“, – წერს ფეისბუქის პირად გვერდზე ზაალ ანჯაფარიძე.
