ვანისა და ბაღდათის ეპარქიის მიტროპოლიტის, მეუფე ანტონის ქადაგებას ეხმიანება “რესპუბლიკური პარტიის” ეროვნული კომიტეტის წევრი დავით ბერძენიშვილი. ოპოზიციონერ პოლიტიკოსს მიაჩნია, რომ გადასახედია ეკლესიის დაფინანსების საკითხი:
“ახლა ამას ჭკუა ან სინდისი მოეკითხება? მართლა დროზე უნდა შევუწყვიტოთ დაფინანსება, თორემ მეტს მოითხოვენ, ხომ ვხედავთ…
ეს ეპისკოპოსი მილიონერია, ბიზნეს-პარტნიორებთან სულ დავა აქვს, გადამგდებია.
“რამ შეაზარათ ეკლესია” – რესპუბლიკელებზე იკითხა ამ უწიგნურმა, გაბღენძილი რომ იჯდა საზოგადოებისთვის წაგლეჯილ მანქანაში…
ტყის “მოვლისთვის”ფულსაც აქეთ მოგვთხოვენ მალე, დარწმუნებული ვარ…
სახელმწიფოს თუ შეუძლია ტყის გაყიდვა, ეკლესიასაც შეეძლებაო, რამ გადაგრიათო…
1 ლარად მივიღეთ და მილიონებად გავყიდითო – რა, ამის მეტი დამსახურება არა აქვს ეკლესიას ქვეყნის წინაშეო? ტიპიური ყანდურია, ხელისუფლებასთან შეზრდილი წურბელა.
P.S. ამათთვის არ უღვაწიათ ავტოკეფალიის აღმდგენ, იმპერიასთან მებრძოლ პატრიარქებს, სამღვდელოებას და მრევლს…” – წერს ფეისბუქის პირად გვერდზე დავით ბერძენიშვილი.
