მმართველ გუნდში განხორციელებულ მორიგ საკადრო ცვლილებებს, სოციალურ ქსელში გამოქვეყნებული ირონიული პოსტით, ეხმაურება ჭავჭავაძის კვლევითი ცენტრის დამფუძნებელი ზაზა ბიბილაშვილი:
“ასეთ დროს განსაკუთრებით მაკლია ხოლმე ქ-ნი ია ანთაძის პირუთვნელი ანალიზი.
სწორედ ქ-ნი ია იყო ის მიუკერძოებელი ჟურნალისტი, რომელიც 2012 წლამდე ღრმად და ყოვლისმომცველად ხსნიდა სააკაშვილის ყველა საკადრო გადაადგილებასა თუ “კარუსელს”.
მას შემდეგ – უკვე 14 წელია! – საკუთარი თავის ამარა ვართ დარჩენილი და იძულებული ვართ, ჩვენით ავხსნათ, თუ რატომ ცვლის ერთი ქოცი პუსტა-პუსტა მეორეს ამა თუ იმ სასიცოცხლოდ მნიშვნელოვან თანამდებობაზე…
ჩემი მეზობელი ჯემალა ამბობს, ერთი სული მაქვს, ქვეყანაში ისევ სისხლიანი რეჟიმი დამყარდეს, რომ იაანთაძისნაირმა სამართლიანობისთვის მებრძოლმა რაინდებმა კვლავ გაიხსენონ თავიანთი მაღალი მოწოდება და ისევ დაუპირისპირდნენ დიქტატურასო“, – წერს ზაალ ანჯაფარიძე სოციალურ ქსელში.
