საზოგადოებრივი ტრანსპორტის აღდგენასთან დაკავშირებით, ჟურნალისტებთან საუბრისას, კახა კალაძემ განაცხადა, რომ ეს დაგეგმილია ივნისის დასაწყისში. დედაქალაქის მერმა ასევე აღნიშნა, რომ სხვა ქვეყნებისგან განსხვავებით საქართველოს ხელისუფლების გადაწყვეტილება ტრანსპორტის გაჩერებასთან დაკავშირებით იყო ეფექტური:
“სავარაუდოდ, ივნისის დასაწყისში მოხდება საზოგადოებრივი ტრანსპორტის აღდგენა.
ჩვენ დაახლოებით 700-მდე ავტობუსი გვყავს, აქედან 500 გასულია ხაზზე და ნორმალური ცხოვრების პირობებში ემსახურება ქალაქის მოსახლეობას. ამ შემთხვევაში დაემატება სათადარიგო ავტობუსებიც, თუ ამის საჭიროება იქნება და მოემსახურება ქალაქის მოსახლეობას.
ზუსტად იმ ქვეყნებში, სადაც საზოგადოებრივი ტრანსპორტი არ იყო გაჩერებული და არ მიიღეს ის ზომები, რომლებიც ჩვენმა ხელისუფლებამ, შედეგებიც ვნახეთ, თუ რა მდგომარეობაში აღმოჩნდა ეს ქვეყნები.
საქართველოს მოდელი არის მსოფლიოში ერთ-ერთი საუკეთესო. მხედველობაში მაქვს ის გადაწყვეტილებები, ის ნაბიჯები, რომელიც საქართველოს ხელისუფლებამ გადადგა. ზუსტად ამის გამო, ჩვენ ავირიდეთ ყველაზე დიდი საფრთხე – ადამიანების სიკვდილიანობა, რაც სამწუხაროდ, განვითარებულ, ევროპულ ქვეყნებში იყო ძალიან მძიმე შედეგი, ამ მიმართულებით,“ – განაცხადა კახა კალაძემ.
