პოლიტიკოსების მიმართ გამოთქმულ კონკრეტულ პრეტენზიას – “პოლიტიკოსებმა ხალხში უნდა იარონ“, ცალკეული ფაქტების გახსენებით და ემოციური შეფასებებით ეხმიანება სამოქალაქო აქტივისტი, იურისტი ბაჩანა შენგელია:
“დიდი ბოდიში, ვინ უნდა იაროს ხალხში? ელენე ხოშტარიამ ხომ არა, რომელიც აბსოლუტურად ყველა ჩაგრული ადამიანის გვერდში იყო 24/7-ზე და მარკერით წარწერის გაკეთების გამო წლინახევრით ჩასვეს?
ხაბემ, რომელსაც წინასწარ პატიმრობაშია და პოლიტიკური დაპირებების გამო მრავალი წლით ციხე ემუქრება?
ნიკა მელიამ ხომ არა, რომელიც კონსტიტუციის დარღვევით შექმნილ კომისიაზე არმისვლის გამო იხდის სასჯელს?
ან რომელმა პოლიტიკურმა ლიდერმა, საბოტაჟის ბრალდებით აღძრული საქმით ნებისმიერ დროს რომ შეუძლიათ ციხეში შებრუნება?
დაგავიწყდათ როგორ უსაფრთდებოდნენ უბრალოდ აქტიურ ადამიანებს ცოტა ხნის წინ და თავ-პირს ამტვრევდნენ? ვის დალეწვასაც ვერ ახერხებდნენ ცოცხალ-მკვდარს რომ აგინებდნენ ტელეფონით, ესეც დაგავიწყდათ?
უნგრეთს რომ ადარებთ 20% ფიზიკურად და პრაქტიკულად 100%-ით რუსეთის მიერ ოკუპირებულ ქვეყანას, ეს ნორმალური გგონიათ? ან ადგილობრივ არჩევნებად წოდებულ სპეც-ოპერაციაში მონაწილეებს უნგრეთის არჩევნები როგორ გათეთრებთ?
ტროტუარზე დგომის გამო დაჭერილი უამრავი ადამიანი გაიხსენეთ, უდანაშაულოდ ციხეში მყოფი ასობით პატრიოტი არ დაგავიწყდეთ, მერე რუკაზე უნგრეთის მისაზღვრე ქვეყნები საქართველოს მოსაზღვრეებს შეადარეთ. თუ ცოტათი მაინც გაგინათდებათ გონება – გილოცავთ. თუ ვერა, რაღაცნაირად მაინც მოსალოცია – დიდხანს უდარდელად ცხოვრება გიწერიათ“, – წერს ბაჩანა შენგელია ფეისბუქის პირად გვერდზე.
