“სტრატეგია აღმაშენებლის” პოლიტიკური საბჭოს წევრი, ცენტრალური საარჩევნო კომისიის ყოფილი წევრი, ანა კობახიძე პოლიტიკურ შეფასებებს აკეთებს უნგრეთში არსებულ/მოსალოდნელ რეალობასთან დაკავშირებით – არჩევნებამდე და ვიქტორ ორბანის ხელისუფლების მარცხის შემდეგ:
“რას ნიშნავდა ორბანის უნგრეთი ივანიშვილის გუნდისთვის?
ორბანის მმართველობა ქოცებისთვის წარმოადგენდა იდეოლოგიურ და პოლიტიკურ მოდელს.
❌ის აჩვენებდა როგორ შეიძლება ძალაუფლების კონცენტრაცია, მედიის კონტროლი და სამოქალაქო სექტორის შეზღუდვა ისე, რომ ფორმალურად ქვეყანა ევროპულ სტრუქტურებში დარჩეს;
❌ორბანი იყო ერთადერთი ევროპელი ლიდერი, რომელიც ღიად უჭერდა მხარს საქართველოს ხელისუფლების რიტორიკას, მათ შორის „გლობალური ომის პარტიის“ შესახებ კონსპირაციულ თეორიებს;
❌ომის შიშის გაღვივების და სხვა რუსული პროპაგანდის გავრცელება სინქრონში ხდებოდა ჩვენსა და უნგრეთის კამპანიებში;
❌უნგრეთი ბრიუსელში ასრულებდა ქოცების ადვოკატის როლს. ისინი ბლოკავდნენ ან არბილებდნენ კრიტიკულ რეზოლუციებსა და განცხადებებს საქართველოს წინააღმდეგ;
❌როდესაც დასავლეთის უმეტესი ნაწილი აკრიტიკებდა საქართველოს დემოკრატიული უკუსვლის გამო, ორბანთან შეხვედრები გამოიყენებოდა იმის საილუსტრაციოდ, რომ ხელისუფლება თითქოს იზოლაციაში არ არის.
რას კარგავენ ქოცები ცვლილებების შემდეგ?
✔️ივანიშვილის გუნდი კარგავს თავის ერთადერთ მყარ საყრდენს ევროკავშირში;
✔️ბრიუსელში აღარ დარჩება ძალა, რომელიც ქოცების კლანს დაიცავს სანქციების ან სხვა შეზღუდვების განხილვისას;
✔️ ორბანის მარცხი არის სიგნალი იმისა, რომ „მესამე გზა“ – ევროპა დემოკრატიის გარეშე, არ მუშაობს“, – წერს ანა კობახიძე სოციალურ ქსელში.
