საქართველოს სახალხო დამცველი სოციალურ ქსელში ცნობილ ჩოგბურთელ ნიკოლოზ ბასილაშვილთან დაკავშირებით დაწყებულ საგამოძიებო პროცესს ეხმიანება. ნინო ლომჯარია უპირობო მხარდაჭერას უცხდებს ნიკოლოზ ბასილაშვილის მეუღლეს და აცხადებს, რომ დაიწყო აღნიშნული საქმის შესწავლა:
“საქართველოს სახალხო დამცველმა დაიწყო ჩოგბურთელ ბასილაშვილის მხრიდან ყოფილი მეუღლის მიმართ მცირეწლოვანი შვილის თანდასწრებით სავარაუდო ძალადობრივი ქმედებების გამოძიების საქმის შესწავლა.
მინდა ჩემი მხარდაჭერა გამოვუცხადო დაზარალებულ ქალს! მოვუწოდებ ყველა შესაბამის სახელმწიფო უწყებას, გააკეთონ მაქსიმუმი, რათა იგი დაცული იყოს როგორც ფიზიკური, ასევე, ფსიქოლოგიური ძალადობისაგან!
მოვუწოდებ მედიასაშუალებებს, თემის მგრძნობელობიდან გამომდინარე, გაშუქებისას მაქსიმალურად დაიცვან შესაბამისი სტანდარტები!” – წერს ფეისბუქის პირად გვერდზე ნინო ლომჯარია.