საპარლამენტო არჩევნებისთვის საქართველოს 30 საარჩევნო მაჟორიტარულ ოლქად დაყოფის თემას ეხმიანება პოლიტიკური პლატფორმა „ახალი საქართველოს“ თავმჯდომარე გიორგი ვაშაძე და აცხადებს, რომ გარკვეული კონსულტაციები ამ საკითხთან დაკავშირებით გაიმართა, ასევე აღნიშნავს, რომ შეხვედრები დიპლომატიურ კორპუსთან ერთად იმართებოდა და მანიპულაციებს აღარ ელოდება, მაგრამ ასევე განმარტავს, რომ „ქართული ოცნებისაგან“ ყველაფერია მოსალოდნელი:
„გვქონდა გარკვეული კონსულტაციები და ვიცით წინასწარი მონახაზები. პრინციპში შეიძლება ითქვას, რომ საზღვრებთან დაკავშირებით შეთანხმებულები ვართ. მათ შორის, ეს შეხვედრები იყო დიპლომატიურ კორპუსთან ერთად, საელჩოებში.
მე აქ აღარ ველოდები კიდევ რაიმე მანიპულაციებს „ქართული ოცნებისაგან“, თუმცა მათგან ყველაფერი მოსალოდნელია, – თეთრზე შავს იძახიან, ასევე ამბობენ, რომ არ შევთანხმდით და რეალურად შევთანხმდით. მთელი მსოფლიო ეუბნება, რომ მორჩით ბოლოს და ბოლოს ტყუილებს,“ – აცხადებს გიორგი ვაშაძე.
გავრცელებული ინფორმაციით დასავლეთ საქართველო 12 მაჟორიტარულ ოლქად, ხოლო აღმოსალვლეთ საქართველო 18 ოლქად იყოფა. ოპოზიციასა და ხელისუფლებას შორის ამ საკითხზე კონსულტაციები გაიმართა, კონსულტაციებს ესწრებოდნენ დიპლომატიური კორპუსის წარმომადგენლებიც.
გიორგი ვაშაძის კომენტარს პარტია „ახალი საქართველოს“ პრესსამსახური ავრცელებს.