“ყოველთვის უდიდეს პატივისცემასა და მოკრძალებას ვგრძნობდი მისი უწმინდესობისა და უნეტარესობის, ილია II-ის მიმართ” – ფადი ასლი

საერთაშორისო სავაჭრო პალატის თავმჯდომარის, ბიზნესმენ ფადი ასლის ემოციური შეფასებები კათოლიკოს-პატრიარქ ილია II-ის მიმართ:

“მიუხედავად იმისა, რომ ქრისტიანად დავიბადე და ცამეტი წელი კათოლიკურ სკოლაში გავატარე, სასულიერო პირებთან სიახლოვე არასდროს მქონია. თუმცა, ყოველთვის უდიდეს პატივისცემასა და მოკრძალებას ვგრძნობდი მისი უწმინდესობისა და უნეტარესობის, ილია II-ის მიმართ — არა მხოლოდ როგორც ქრისტიანი ლიდერის, არამედ როგორც განსაკუთრებული პიროვნებისადმი.

ბოლო წლებში მისი ხილვა, როდესაც ის, მიუხედავად ხანდაზმულობისა და ფიზიკური უძლურებისა, სიმტკიცეს ინარჩუნებდა და არცერთ ღვთისმსახურებას აკლდებოდა, ჩემთვის სიმამაცის, გამძლეობისა და ურყევი რწმენის ნამდვილი მაგალითი იყო. მასზე დაკვირვებით გაცილებით მეტი ვისწავლე თავგანწირვის არსზე, ნებისყოფასა და უსიტყვო ალტრუიზმზე, ვიდრე ცამეტი წლის განმავლობაში რელიგიური განათლების მიღების დროს.

მისი გარდაცვალება დიდი დანაკლისია არა მხოლოდ საქართველოსთვის, არამედ მთელი მსოფლიოსთვის, სადაც ასეთი წმინდა ღირებულებები თანდათან ქრება. დაე განისვენოს მისმა დალოცვილმა სულმა საუკუნო მშვიდობაში. ღრმა სამძიმარს ვუცხადებ ქართველ ხალხს და ყველა იმ ადამიანს მსოფლიოში, ვინც გულში კვლავ ატარებს კაცობრიობის ნათელს“, – წერს ფადი ასლი სოციალურ ქსელში.