სამშაბათი, აპრილი 29, 2025
7.8 C
Tbilisi
spot_img
მთავარისხვადასხვაიმისთვის, რომ პარლამენტში თბილი ადგილებისთვის იბრძოლონ, არ დაინდობენ...

იმისთვის, რომ პარლამენტში თბილი ადგილებისთვის იბრძოლონ, არ დაინდობენ ქვეყნის ინტერესებს – გიორგი გახარია

პრეზიდენტ სალომე ზურაბიშვილის მიერ გიგი უგულავასა და ირაკლი ოქრუაშვილის შეწყალებასთან დაკავშირებით კომენტარი საქართველოს პრემიერ-მინისტრმა გიორგი გახარიამ გააკეთა და განაცხადა, რომ მისთვის ძალიან მძიმეა, ისეთი ადამიანების შეწყალება, რომლებიც ვითომ პოლიტიკოსები არიან და რაღაც დამსახურების გამო, პოლიტიკური მანტია მოიცვეს, ეს შეწყალება კრიმინალებმა დაუმსახურებლად მიიღეს. მთავრობის მეთაურმა ასევე განაცხადა, რომ ქართველი ადამიანი არის ბრძენი და არჩევნებზე გაირკვევა ვინ რა დაიმსახურა საქართველოს მოქალაქისგან:

ამ შეწყალებასთან დაკავშირებით უნდა იცოდეთ, რომ მე საერთოდ პოზიციებს არ ვიცვლი. ჩემთვის უკიდურესად მძიმეა, როდესაც ადამიანი, რომელიც 20 ივნისს შტურმით მიდიოდა პარლამენტზე, უბრალოდ შტურმში იღებდა მონაწილეობას, ან ადამიანი, რომელმაც 50 მილიონი ბიუჯეტიდან მოიპარა, მხოლოდ და მხოლოდ იმის გათვალისწინებით და იმის გამო, რომ ისინი პოლიტიკოსები, ან ვითომ პოლიტიკოსები არიან, მათ დაიმსახურეს რაღაც შეწყალება. ეს არის ჩემთვის მძიმე.

ძალიან კარგად მესმის ჩვენი რიგითი მოქალაქეების გაბრაზება იმასთან დაკავშირებით, რომლებიც უყურებენ ვიღაც პრივილეგირებული პოლიტიკოსების კასტას, რომლებიც იმის გამო, რომ პოლიტიკური მანტია მოიცვეს, ასეთი მძიმე, კონკრეტული კრიმინალური დანაშაულების შემდეგ შეიწყალეს.

თუმცა, რა თქმა უნდა, პრეზიდენტს შეწყალების სრული, ლეგიტიმური უფლება აქვს და ეს მისი სრული კომპეტენციაა. ჩემთვის ამაზე საუბარიც ყველაფრის მიუხედავად, ჩემი ემოციური პოზიციის მიუხედავად არის მეორე ხარისხოვანი. აგიხსნით რატომ, კიდევ ერთხელ ვიტყვი, რომ არავის არ გეგონოთ, რომ კოვიდი დამარცხებულია, არავის არ გეგონოთ, რომ ქვეყნის ეკონომიკური აღორძინება გარანტირებულია, ეს ასე არ არის.

იცოდეთ, რომ მსოფლიოში სისტემური სახელმწიფოები არიან და სისტემური სახელმწიფოები, რომლებიც დღეს, ხან მეორე ტალღას გვიანონსებენ, ხან მესამე ტალღას, გაურკვევლობა არის ამ კრიზისის და გლობალური გამოწვევის ყველაზე დიდი მახასიათებელი კომპონენტი, რის პირობებშიც პატარა ქვეყნების და ჩვენი ქვეყნის პასუხისმგებლობა და ამ მთავრობის პასუხისმგებლობა ათმაგდება.

ამიტომ ჩვენ ვართ აბსოლუტურად მობილიზებულები, პირველ რიგში კოვიდის დასამარცხებლად, მეორე რიგში ქვეყნის ეკონომიკური აღდგენისთვის და მესამე, რაც ამ ქვეყანაში კრიტიკულად მნიშვნელოვანია, არჩევნების წყნარ და მშვიდ გარემოში ჩასატარებლად.

სამწუხარო ამ ყველაფერში იცით რა არის? რომ ის ბატონები, რომლებმაც დაუმსახურებლად, აბსოლუტურად დაუმსახურებლად, კონკრეტული კრიმინალური დანაშაული ჩაიდინეს და არაფრით ისინი არ განსხვავდებიან რიგითი მოქალაქეებისგან და რომ გამოვიდნენ, იმის მაგივრად, რომ ქვეყანას გვერდით დაუდგნენ და ყველამ ერთად ქვეყანაზე ვიზრუნოთ, ამასაც კი პოლიტიკური სპეკულირებისთვის გამოიყენებენ, იმისთვის, რომ პარლამენტში თბილი ადგილებისთვის იბრძოლონ და არ დაინდობენ ქვეყნის ინტერესებს, ათასნაირ სულელურ შეფასებას მისცემენ ამ ყველაფერს.

საბოლოო ჯამში ამას გამოიყენებენ პოლიტიკური, ვიწრო, პირადი ინტერესებისთვის. მაშინ, როცა ამხელა გამოწვევისთვის, დღეს, ყველასთვის ერთადერთი მიზანი უნდა იყოს, რომ ამ ქვეყანას მოვუაროთ ყველამ ისე, რომ ჯერ კოვიდი დავამარცხოთ და მერე ადამიანებს ელემენტარული შემოსავალი აღვუდგინოთ ოჯახში მისატანად.

პოლიტიკურად მერწმუნეთ, ქართველი ადამიანი არის ბრძენი, მიუხედავად ყველაფრისა რაც მოხდა, მიუხედავად რა შეფასებებიც არ უნდა იყოს, აგერ მოვა არჩევნები და ამ არჩევნებზე ვნახავთ ვინ რა დაიმსახურა საქართველოს მოქალაქისგან,“ – აცხადებს გიორგი გახარია.

ავტორი
თამთა ასლანიშვილი

კომენტარები - დატოვეთ თქვენი მოსაზრება
spot_img

მსგავსი სტატიები

“ირაკლი ღარიბაშვილს რომ თავმოყვარეობა არ აქვს ეს არაერთხელ დამტკიცდა” – თინა ბოკუჩავა

“ირაკლი ღარიბაშვილს რომ თავმოყვარეობა არ აქვს ეს არაერთხელ დამტკიცდა,...

სს “თელასი”: 28 აპრილს ელექტრომომარაგება დროებით შეიზღუდება თბილისის რამდენიმე რაიონის კონკრეტულ უბნებში

ელექტროენერგიის გამანაწილებელი კომპანია სააქციო საზოგადოება „თელასის“ მიერ გავრცელებული ინფორმაციით...

ირაკლი ღარიბაშვილის “წასვლა” პოლიტიკიდან დაახლოებით იგივე ამბავია ბიძინა რომ “მიდიოდა” – დავით ზურაბიშვილი

პოლიტიკის ექსპერტის, დავით ზურაბიშვილის პოზიცია-შეფასება ირაკლი ღარიბაშვილის პოლიტიკიდან წასვლასთან...

“თქვენ ძალიან კარგი შვილი გყავთ და ძალიან კარგად მესმის როცა ამბობთ, რომ მისი თავისუფლება...

სოციალურ ქსელში ემოციურ პოსტს აქვეყნებს საავტორო გადაცემის წამყვანი ნანუკა...

spot_img

"პარალელის" გამოკითხვა

დღის პოპულარული

“მოემზადეთ, წინ პროკურატურის გრძელი დერეფნებია…” – ლალი მოროშკინა

რამდენიმე საკითხთან დაკავშირებით კონკრეტულ პოზიციას აფიქსირებს და თავის მოსაზრებას...

ირაკლი ღარიბაშვილის “წასვლა” პოლიტიკიდან დაახლოებით იგივე ამბავია ბიძინა რომ “მიდიოდა” – დავით ზურაბიშვილი

პოლიტიკის ექსპერტის, დავით ზურაბიშვილის პოზიცია-შეფასება ირაკლი ღარიბაშვილის პოლიტიკიდან წასვლასთან...