“უცხოელების და შრომის ამბავი არის მორიგი საპნის ბუშტი, რომლის უკან არაფერი დგას” – ანა დოლიძე

პარტია “ხალხისთვის” თავმჯდომარის, ანა დოლიძის 5-პუნქტიანი განმარტებები საქართველოში უცხოელთა დასაქმების თაობაზე მიღებულ რეგულაციებთან დაკავშირებით:

“უცხოელების და შრომის ამბავი არის მორიგი საპნის ბუშტი, რომლის უკან არაფერი დგას.

1. ჩვენს “ეროვნული გადარჩენის გეგმაში” ვწერდით კვოტებზე.
ბინადრობის და შრომის უფლების გარეშე ისედაც არ უნდა მუშაობდეს არავინ უცხოელი. ყველა შემდგარ ქვეყანაში მუშაობას ჭირდება ნებართვა. ანუ უნებართვოდ მომუშავე ხალხს მუშაობა აუკრძალა პრემიერმა არის იგივე რაც “ჯამი ჭურჭელია”;

2. არ არის დათვლილი და შესწავლილი მთავარი: რა გვაქვს შრომის ბაზარზე, სად არის ჩავარდნა და რა პროფესიის ხალხია საჭირო. ამას ეყრდნობა კვოტები ყველა ნორმალურ ქვეყანაში და ეს არ გვაქვს. ამის გარეშე გამოვარდნილი კობახიძე უბრალოდ საპნის ბუშტებს უშვებს;

3. ყველა კვლევა იქნება საბრალდებო დასკვნა ოცნების იმიტომ
რომ ბაზარი განადგურებულია, სამუშაო ადგილები არ იქმნება და ხალხი გარბის ქვეყნიდან ამიტომ;

4. და რამდენი შრომის ნებართვაა გაცემული და რის საფუძველზე ამაზე სამინისტრო წლებია არ გვპასუხობს. ნული აზროვნება და ნული პატრიოტიზმი უწყებებში ზევით. მხოლოდ კომფორტი, კარგი მანქანები და კაბინეტები;

5. კორუფცია არ დაგავიწყდეთ, მთავარი პრობლემა ნებართვებისთვის ფულის ჩაკუჭვაა ჯიბეში ჩინოვნიკებისთვის. კორუფცია არ არსებობსო ახლა მაინც ვერ იტყვის ვერავინ“, – წერს ანა დოლიძე, სოციალურ ქსელში.