ვასო აბაშიძის სახელობის ახალი თეატრის ფასადიდან პატიმრობაში მყოფ მსახიობ, ანდრო ჭიჭინაძის ბანერი ჩამოხსნას მწვავე შეფასებები მოჰყვა თეატრის ცალკეული მსახიობების მხრიდან და პროტესტის ნიშნად თეატრი დატოვეს. ფაქტს ემოციური შეფასებებით ეხმიანება ქართველი ლიტერატურათმცოდნე, ისტორიკოსი, გერმანისტი ლაშა ბაქრაძე:
“წარმოუდგენლად ზღინტლიან ხალხთან გვიწევს ურთიერთობა.
ლექმა ამოხეთქა.
ნანკა კალატოზიშვილის ვიდეოებზე, რა კარგად ჩანს, როგორ იქცევიან რეჟიმის მონები, როგორ ეცინებათ, როგორი დარწმუნებულნი არიან რეჟიმის ყოვლისშემძლეობაში და როგორ სწამთ, რომ მონობა არსებობის ერთადერთი გზაა.
სტუდენტებს, რომ ვუყვებოდი, რა არის ტოტალიტარიზმი, როგორ ფუნქციონირებს სტალინიზმი ან გერმანული ნაციზმი – უჭირდათ გაგება. ახლა კარგად უნდა დააკვირდნენ ამ ჭუჭყის ქცევას და ნათლად დაინახავენ, ვისზე დგას მსგავსი რეჟიმები, რით სულდგმულობს რეჟიმი.
ასეთ დროს, სულ მაქს ლიბერმანის უკვდავი სიტყვები მახსენდება: “ღმერთო, იმდენი როგორ ვჭამო, რამდენიც მინდა რომ ვარწყიო“.
ჩემი ღრმა პატივისცემა ნანკა კალატოზიშვილს, კახა კინწურაშვილს, ეკატერინე დემეტრაძეს და ვასო აბაშიძის სახელობის ახალი თეატრის სხვა მსახიობებს, რომლებიც ტოვებენ ამ ღირსებააყრილ ადგილს“, – წერს ლაშა ბაქრაძე სოციალურ ქსელში.
