2021 წელს მოკლული ნიკოლოზ კვარაცხელიას საქმის გახსნასთან დაკავშირებით, საქართველოს პროკურატურის მიერ საგანგებო ბრიფინგზე გაკეთებულ განცხადებას, ემოციური შეფასებებით ეხმაურება “ქრონიკა +”-ის მთავარი რედაქტორი, ელისო კილაძე:
“ვერც კი ვიაზრებ ტრაგედიის მასშტაბს:
დათო კაკულია და გია კვარაცხელია წალენჯიხელები, ერთი მოკლულია, მეორე მკვლელობაში ეჭვმიტანილი.
ზურა ჟვანიას შვილი, მამა სულ პატარას გარდაეცვალა, მერე ქუჩაში იპოვა მისი ადგილი და ბავშვობის ტრამვებით დახუნძლული მკვლელობის ორგანიზებამდე მივიდა.
ძმები კაკულიები – მამის მკვლელობის ბოღმაში გაზრდილები, დანგრეული ცხოვრებით და სამუდამო პატიმრობის პერსპექტივით!
და ნიკო, ნათელი, ნიჭიერი, ჭკვიანი, დისტანცირებული მამის სამყაროსგან, ბიჭი მომავლიდან და მომავლის მარადისობაში!
რატომ დაუშვი, ღმერთო ეს, რატომ?!” – წერს ელისო კილაძე სოციალურ ქსელში.
