“ქართლი ოცნების” მიერ აგორებული და სამთავრობო მედიის მიერ მხარდაჭერილი ეს ცილისმწამებლური კამპანია ადასტურებს ჩემს წინააღმდეგ პოლიტიკურ დევნას – გიორგი რურუა

ამჟამად პატიმრობაში მყოფი გიორგი რურუას წერილი ვრცელდება სოციალურ ქსელში, სადაც აღნიშნულია, რომ მას პოლიტიკურად დევნიან და ეს საბჭოთა რუსული მეთოდებით ხდება:

„ბოლო პერიოდში სამთავრობო მედია საშუალებები ცდილობენ ბინძური კამპანიის აგორებას ჩემს წინააღმდეგ. მაშინ, როდესაც, ხელისუფლება ჩადის დანაშაულს და მიდებს იარაღს, შემდეგ ვერ ამტკიცებს ამას, მიდის აბსურდული პროცესები, ერთადერთი, რაც რჩებათ, არის ტყუილით, ცილისწამებით და ტრაგედიებით მანიპულირება.

იმდენად დაინტერესებულები არიან, განსხვავებული აზრის მქონე პირის ციხეში გამოკეტვით, რომ გონიათ, საკუთარ დანაშაულს ბინძური ტყუილებით, და აბსურდით გადაფარავენ.

“ქართლი ოცნების” მიერ აგორებული და სამთავრობო მედიის მიერ მხარდაჭერილი ეს ცილისმწამებლური კამპანია კიდევ ერთხელ ადასტურებს რომ ჩემს წინააღმდეგ მიმდინარეობს პოლიტიკური დევნა, ეს საბჭოთა რუსული მეთოდია და გამოიყენება პოლიტიკური ოპონენტების წინააღმდეგ, მაგრამ სიმართლის დადგენას ხელს ვერ შეუშლის,“ – ფეისბუქის პირადი გვერდის მეშვეობით აცხადებს გიორგი რურუა.

ოპოზიციისა და საზოგადოების ნაწილი თვლის, რომ გიორგი რურუა პოლიტპატიმარია და მის გათავისუფლებას ითხოვენ. გიორგი რურუასთან ერთად ითხოვენ გიგი უგულავასა და ირაკლი ოქრუაშვილის გათავისუფლებას. გარდა ამისა, ოპოზიცია ცალსახად აღნიშნავს, რომ ხელისუფლებასთან დადებული 8 მარტის შეთანხმების ერთ-ერთი პუნქტი, სწორედ პოლიტპატიმრების გათავისუფლებაა.

ავტორი
თამთა ასლანიშვილი