რუსეთის ფედერაციის ვიცე-პრემიერის, ალექსეი ოვერჩუკის განცხადებას, საქართველოსთან სარკინიგზო მიმოსვლის აღდგენასთან დაკავშირებით, სოციალურ ქსელში, კონკრეტული პოზიცია-მინიშნებით ეხმაურება ანალიტიკოსი არჩილ გამზარდია:
“არ არსებობს “აფხაზეთის რკინიგზა”, არსებობს საქართველოს რკინიგზა და საქართველოს რკინიგზის აფხაზეთის მონაკვეთი.
თუ რუსეთს კომუნიკაციების აღდგენა სურს, პირველ რიგში, “აღიარება” გაიწვიოს უკან და “აფხაზეთის რკინიგზას” კი არა, საქართველოს რკინიგზას მიმართოს“, – წერს არჩილ გამზარდია.
ინფორმაციისთვის – რუსეთის ვიცე-პრემიერის განცხადება:
“მიმდინარეობს მუშაობა კავკასიაში ყველა დარღვეული გზის განბლოკვაზე, მათ შორის, განიხილება რუსეთის ფედერაციასა და საქართველოს შორის სარკინიგზო მიმოსვლის აღდგენის შესაძლებლობა, აფხაზეთის ტერიტორიის გავლით“, – განაცხადა ალექსეი ოვერჩუკმა.
