“ქართული ოცნების” ლიდერების განცხადებებს თუ საკანონმდებლო ინიციატივის დაანონსებას – საკონსტიტუციო ორგანოების, კონსტიტუციური პრინციპების, კონსტიტუციური წყობილების აღიარების ვალდებულებასთან დაკავშირებით, რუსთავის საპატიმროდან, პოლიტიკურ შეფასებებს აკეთებს “კოალიცია ცვლილებებისთვის” და პარტია “დროას” ლიდერი, ელენე ხოშტარია და აცხადებს, რომ გააგრძელებს “ქართული ოცნების” ხელისუფლების არაღიარებას:
“საკმაოდ სასარგებლოა ნერვიული აშლილობის ზღვარზე მყოფი ქოცების ყურება. პირდაპირ მიგვითითებენ ჩვენი ბრძოლის სისწორეზე და სტრატეგიის შედეგიანობაზე.
დიახ! არ გაღიარებთ არც რუსთაველიდან, არც პარტიებიდან, არც ციხეებიდან, არც ეკრანებიდან, არც ემიგრაციიდან და არც სამზარეულოდან. მადლობა შეხსენებისთვის, რომ თქვენ არსებობას ჩვენი აღიარება სჭირდება – ვერ ეღირსებით!
ახლა მე იმ ადგილიდან მოგმართავთ, რომელშიც ვითომ იმისთვის ჩამსვით, რომ მაიძულოთ გაღიაროთ. ოღონდ გამოუტყდით თქვენს თავებს, რომ ჩვენ ორს შორის ცუდად თქვენ ხართ და არა მე.
„გიყვარვარ თუ გკიდივარ“ კანონის დარეგისტრირება, გროტესკის ახალი მწვერვალია. მთელ ამ მძიმე ამბებთან ერთად, რაც ჩვენს ქვეყანაში ხდება, არ მტოვებს განცდა, რომ მაიმუნი შეიპარა თვითმფრინავის საჭესთან.
ბოლომდე!” – ელენე ხოშტარია.
რუსთავის ქალთა ციხე
