ანალიტიკოსის, ლექტორის არჩილ გამზარდიას კონკრეტული მოლოდინები ილიას სახელმწიფო უნივერსიტეტთან დაკავშირებით:
“სავარაუდოდ, მორიგი “გაჩერება” უკვე ილიას სახელმწიფო უნივერსიტეტი გახდება სტუ-ს შემდეგ.
“უმაღლესი განათლების შესახებ“ კანონში ცვლილებები, რომელსაც პარლამენტი დაჩქარებული წესით დაამტკიცებს, სრულ წვდომას მისცემს ყველა სახელმწიფო უმაღლეს სასწავლებელზე, მათ შორის, ილიაუნი სავარაუდოდ სტუ-ს შემდეგ იქნება, რადგანაც არსებული ცვლილებები აღმასრულებელ ხელისუფლებას პირდაპირი ინტერვენციის საშუალებას აძლევს.
“რეორგანიზაციის” სახელით, არაა გამორიცხული:
* დაინიშნოს ახალი – რექტორის მოვალეობის შემსრულებელი ილიას უნივერსიტეტში.
* მოხდეს ილიაუნის შერწყმაც თბილისის სახელმწიფო უნივერსიტეტში.
კანონპროექტის თანახმად, განათლების მინისტრი უფლებამოსილი ხდება დანიშნოს როგორც რექტორის მოვალეობის შემსრულებელი, ასევე ადმინისტრაციის ხელმძღვანელის მოვალეობის შემსრულებელი, ხარისხის უზრუნველყოფის სამსახურის ხელმძღვანელის მოვალეობის შემსრულებელი და დროებითი კოლეგიალური მმართველი ორგანო – დროებითი მმართველი საბჭო შექმნას, რომელსაც მთავრობის დადგენილებით განსაზღვრული მოცულობითა და ვადით აკადემიური საბჭოს და წარმომადგენლობითი საბჭოს უფლებამოსილებების განხორციელება გადაეცემა“, – წერს არილ გამზარდია ფეისბუქის პირად გვერდზე.
