“როცა ფაქტებით და ციფრებით ელაპარაკები ცახცახი ეწყება და რობოტივით მონოტონური ხდება” – ნინო ჯანგირაშვილი ირაკლი კობახიძეზე

ტელეკომპანია “კავკასიას” გენერალური დირექტორი ნინო ჯანგირაშვილი, მთავრობის მეთაურ ირაკლი კობახიძესთან დაკავშირებით, კონკრეტულ ფაქტებს იხსენებს და მიაჩნია, რომ მასთან დებატების გამართვა მიუღებელია:

“ჩემი პირველი და უკანასკნელი პირდაპირი შეხება კობახიძესთან იყო 7 წლის წინ, როცა მაუწყებლობის კანონში ცვლილებებს განვიხილავდით და კომიტეტის დარბაზიდან მანდატურით გაგდებით დამემუქრა. თუმცა, მე თვითონ გავედი, იმიტომ რომ შეუძლებელი იყო მაგ არსებასთან ერთად ერთ დარბაზში გაჩერება.

სარეკლამო ბაზარზე ვდაობდით. კომიტეტამდე ვიმუშავეთ მედიამ და გავუგზავნეთ ოფიციალურად გამოქვეყნებული ციფრები – ვორდში, ექსელში, პედეეფში, ლარში, დოლარში, შედარებული და გაანალიზებული, რომ სატელევიზიო სარეკლამო ბაზარი იკლებს ქვეყანაში. კობახიძე ამტკიცებდა, რომ ეს ტყუილია. რობოტივით იმეორებდა. ოფიციალურ ციფრებზე გაიძახოდა, რომ ტყუილია. როცა ფაქტებით და ციფრებით ელაპარაკები ცახცახი ეწყება და რობოტივით მონოტონური ხდება. შავზე შეუძლია ამტკიცოს რომ თეთრია. გაოგნებული ვუყურებდი. მაშინ შევარქვი აგრესიული სოციოპათი.

ვინც მაგასთან დებატებს აპირებთ, უბრალოდ იდიოტებად გთვლით. სრულ კონტექსტს თუ გავითვალისწინებთ, ანუ იმას, რომ ბოლო წლებში ოფიციალურად რუსეთის ჯალათად გადაიქცა, მავნებელ იდიოტებადაც მიმაჩნიხართ. ბოდიში პირდაპირობისთვის“, – წერს ნინო ჯანგირაშვილი სოციალურ ქსელში.