მმართველი პარტიის მიერ მიერ მიღებულ გადაწყვეტილებებს თსუ-ს და სტუ-ს გაერთიანებასა თუ პარტიების და სამოქალაქო ორგანიზაციებისთვის ახალი შეზღუდვების დაწესებასთან დაკავშირებით, მწვავე შეფასებებით ეხმაურება განათლების ყოფილი მინისტრი, ილიას სახელმწიფო უნივერსიტეტის პროფესორი, პოლიტოლოგი გია ნოდია:
“ორი ახალი ამბავი გვახარა მთავრობამ: თსუ-ს და სტუ-ს გაერთიანების გადაწყვეტილება და ახალი შეზღუდვები პარტიების და სამოქალაქო ორგანიზაციებისთვის.
ფეისბუქში ყველაზე მეტი რეაქცია უნივერსიტეტების გაერთიანებაზე მხვდება. მაგრამ ეს წვრილმანი დეტალია იმის ფონზე, რაც ქვეყენაში ხდება.
ცხადია, ის, როგორც ეს გამოცხადდა, კიდევ ერთხელ გვაჩვენებს, რომ ხელისუფლებას უნივერსიტეტების ავტონომია არ აინტერესებს. მაგრამ ამაში ახალი არაფერია – მისთვის უნივერსიტეტების კი არა, ზოგადად რაიმის ავტონომიის ცნებაა გაუგებარი. როგორც ხელისუფლება (ანუ დიდი სულთანი) იტყვის, ყველაფერი ისე უნდა იყოს. აბა როგორ გინდათ!
გეპეის მიერთებით რომ თსუ საერთაშორისო რეიტინგებში წინ გაიჭრება, ეს ნამდვილად კარგი საღლიცინო თემაა. ხანდახან უნდა ვიღლიცინოთ კიდეც, თუკი სხვას ვერაფერს ვაკეთებთ, მაგრამ მთავარი ეს მაინც არ არის.
რაც შეეხება გუშინ დაანონსებულ ახალ შეზღუდვებს, ეს არის თვისობრივდ ახალი ნაბიჯი სამოქალაქო სივრცის სრული მოსპობის გზაზე. ეს უბრალოდ ავტორიტარიზმი კი არა, დიქტატურის განსაკუთრებით ღრმა ფორმაა. ბელარუსსაც ნელ-ნელა ვჯობნით“, – წერს გია ნოდია სოციალურ ქსელში
