ანალიტიკოსი ლელა ჯეჯელავა მძიმე შეფასებებს აკეთებს ქვეყანაში შექმნილ რეალობასთან დაკავშირებით და ერთგვარ შედარებას ახდენს ფილმ “მონანიებასთან”:
“ივანიშვილის პროექტი – ქართული სახელმწიფოს ნაცვლად პატარა სოფელი, შედგა.
სოფლები მსოფლიოს პოლიტიკურ რუკაზე მონიშნული არ არის. ყველაფერი “გეგმის” მიხედვით: სოფელი თავისი მორალისტი ციციკორეთი, მოძალადე შეთეებით, ფუფალებით, გამოგონილი შიოლებით, ოხროხინეებით, გაპოლიტიკოსებული ნარგიზებით, მსხვერპლად შეწირული გედიებით, რევოლუციის მომლოდინე იორამებით, ოქროს თევზის ლოდინში გაყინული ელიოზებით.
ეს არის მარიტასავით ვირზე უკუღმა გასმული დღევანდელი საქართველო, სადაც ყველაფერი ძაღლუმადურია ტალახის გუნდის გარდა.
ჭაობის, ტალახის და შმორის სუნი ასდის მშვიდობას ივანიშვილის საქართველოში“, – წერს ლელა ჯეჯელავა სოციალურ ქსელში.
