,,სტრატეგია აღმაშენებლის” ლიდერი გიორგი ვაშაძე, პატიმრობის დასრულების შემდეგ, მედიასთან პირველ კომენტარს აკეთებს და მადლობას უხდის საზოგადოებას:
,,ძალიან შემართებით ვარ, ძალიან ოპტიმისტურად განწყობილი. ემოციები, რა თამა უნდა, მაქვს – ამდენი ადამიანი, გულშემატკივარი.
მინდა მივესალმო საქართველოს! დარწმუნებული ვარ და მჯერა, რომ აუცილებლად გავიმარჯვებთ იმიტომ, რომ ჩვენ გვინდა ვიცხოვროთ სამართლიან ქვეყანაში, რომელიც წინ მიდის, არის განვითარებულ ქვეყნებს შორის, არის ევროკავშირის წევრი, წარმოდგენილია საერთაშორისო ასპარეზზე.
მინდა, რომ საპატიმროში აღარავინ იყოს. ისეთ ქვეყანაში გვინდა ვიცხოვროთ, სადაც ადამიანებს არ დაიჭერენ განსხვავებული აზრის გამო.
სიმართლე გითხრათ, 7 თვე რთული იყო, განსაკუთრებით როდესაც შორდები შვილებს, მეუღლეს, თქვენ ყველას, მაგრამ რწმენა იმის, რომ გავიმარჯვებთ იმდენად დიდია, არცერთი დღე ნამდვილად არ გამჭირვებია.
მინდა მადლობით დავიწყო – მადლობა მათ ვისგანაც ბევრ წერილებს ვიღებდი, მადლობა ყველას, რომ გახსოვდით, განსაკუთრებული მადლობა ემიგრანტებს, უცხოეთიდანაც ბევრ წერილს ვიღებდი. იმედი მაქვს, რომ ყველას გიპასუხეთ.
მინდა განსაკუთრებული პატივისცემა გამოვხატო სინდისის პატიმრების, რეჟიმის ყველა პატიმრის მიმართ. ის საოცარი სიმტკიცე, თავისუფლება რომელსაც ციხიდან ასხივებენ აბსოლუტურად ყველას გვაძლიერებს. დიდი მადლობა მშობლებს, დედებს, საოცარი ბრძოლის ჟინი მოდის მათგან. მადლობა რუსთაველის პროტესტის ყველა მონაწილეს, ყველა აქტიურ ადამიანს, ყველა პატრიოტს”, – განაცხადა გიორგი ვაშაძემ.
ავტორი
მარიამ ხაჩირაშვილი
