ივანიშვილზე შეტევა არ უნდა შესუსტდეს და საერთაშორისო თანამეგობრობასთან მუდმივად ვიმუშაოთ, – აცხადებს “ერთიანი ნაციონალური მოძრაობის” ერთ-ერთი ლიდერი, პოლიტსაბჭოს წევრი ხატია დეკანოიძე. მისი იდეა ამარცხებს ფულს და დიქტატს, ამიტონ ეს იდეა და ქარიზმა უნდა აჩვენოთ ყველას ოპოზიციამ:
“ივანიშვილის, როგორც ოლიგარქის შინაარსი არის “ტყუილი” და “გადაგდება”. ფიქრობს, რომ არ უნდა ადარდებდეს საერთაშორისო საზოგადოების რისხვა (ხალხზე რა წარმოდგენაც აქვს, ვიცით).
ვინაიდან, “ქართულ ოცნება” არ არის იდეოლოგიური პოლიტიკური გუნდი, მისი მთავარი გამაერთიანებელი სიმძიმის ცენტრია ფული და წითელი ოლიგარქი, კომპეტენციაც არ აქვთ. ამიტომ ბიძინას იმას ვერ უბედავენ, რომ საბოლოო ზიანი მათთვის უფრო დიდი იქნება, ვიდრე წარმოუდგენიათ.
სიმართლე გითხრათ, პლაჰატნიუკიც უკვე ცუდი მაგალითია. თითქმის იანუკოვიჩის და მისი ჩინოვნიკების ბედი უახლოვდებათ.
მთავარია, შეტევა ივანიშვილზე არ შესუსტდეს და საერთაშორისო თანამეგობრობასთან მუდმივად ვიმუშაოთ. ასევე, ჩვენი დიდი იდეა კიდევ უფრო წინ წამოვწიოთ. იდეა ამარცხებს ფულს და დიქტატს. ეს იდეა და ქარიზმა უნდა ვაჩვენოთ ყველას…
ბიუროკრატიას და მხოლოდ არსებულ დღის წესრიგში ჩასვლას არ უნდა ვასხივებდეთ. ხალხია მთავარი,” – წერს ფეისბუქის პირად გვერდზე ხატია დეკანოიძე.