ტელეკომპანია “კავკასიას” გენერალური დირექტორი ნინო ჯანგირაშვილი, ირანში მიმდინარე მოვლენების ფონზე, კონკრეტულ ვარაუდებს გამოთქვამს და მძიმე შეფასებებს აკეთებს “ქართული ოცნების” საპატიო თავმჯდომარე ბიძინა ივანიშვილსა და მმართველი პარტიის მხარდამჭერებთან მიმართებაში:
“ჩამოგვახრჩობდა თუ არა ივანიშვილი ქუჩაში სიამოვნებით რომ შეეძლოს? დიახ! დაუკრავენ თუ არა ტაშს ამაზე მისი მხარდამჭერები? დიახ!
გადახედეთ მათ კომენტარებს, პოსტებს და მიხვდებით რომ ასეა.
საბედნიეროდ საქართველო არ არის ირანი. და ვერც გახდება. ეს ბოროტება მალე მოშორდება აქაურობას. ოღონდ მართლა არ მესმის, იმ ხალხთან ერთად ერთ ქვეყანაში კიარა, ერთ პლანეტაზე როგორ უნდა ვიცხოვრო, რომელიც მზად არის ხელი მოაწეროს ჩვენს დახოცვას. ამის დავიწყება შეუძლებელია. და არც არის საჭირო.
ეს ხალხი უნდა გვახსოვდეს სამუდამოდ“, – წერს ნინო ჯანგირაშვილი სოციალურ ქსელში.
