საქართველოს მე-3 პრეზიდენტი, მიხეილ სააკაშვილი მისი პრეზიდენტობის დროინდელ ფაქტებს იხსენებს და კონკრეტული მინიშნებებით მიმართავს “ქართული ოცნების” წევრებს/მხარდამჭერებს:
“პასუხი ქოცების ლოზუნგს – საქართველო პატარა ქვეყანაა, მას არავინ არაფერს ეკითხება.
პრეზიდენტობის დროს მე მქონდა პირდაპირი სატელეფონო ნომრები ამერიკის პრეზიდენტების, ვიცე-პრეზიდენტების, სახელმწიფო მდივნების. ევროპის ყველა ლიდერის, პირადი მეგობრები მაკავშირებდნენ მათთან და რეგიონალურ ლიდერებთან.
ამერიკის პრეზიდენტი და ორი ვიცე-პრეზიდენტი იყვნენ თბილისში. ახლა თუ ვინმე ჩამოდის, ეს არის შედარებით დაბალი რანგის ჩინოვნიკები და ჩამოდიან არა ჩვენი წარმატების პოპულარიზაციისთვის.
(გახსოვთ ბუშის “საქართველო – მსოფლიო დემოკრატიის შუქურა” ან ჰილარი კლინტონის მოწოდება სხვა ქვეყნებსაც გადაეღოთ იუსტიციის სახლის მოდელი? ან ტრამპის – ამერიკამ უსწავლოს საქართველოს საგადასახადო სისტემიდან)
ჩემი თხოვნით ამერიკამ შემოიყვანა მე-6 ფლოტი შავ ზღვაში და გადმოაფრინა სამხედრო თვითმფრინავები თბილისში.
ხვალ რომ სამკვდრო-სასიცოცხლო საფრთხის წინაშე აღმოვჩნდებით, არის თუ არა ვინმე, ვისაც ამათ შეიძლება მიმართონ მსოფლიოში?
და ვისაც ეს ყველაფერი მშვიდობა ჰგონია გაემზადოს უარესისთვის!
ჩვენც ვემზადებით უარესისთვის, მაგრამ იმედი გვაქვს უკეთესის და ვიბრძვით უკეთესისთვის“, – აცხადებს მიხეილ სააკაშვილი.
