“თითქმის ვერ ხვდება ახალ ამბებში, ძალიან სერიოზული გეოპოლიტიკური დრამა, რომელიც ჩვენ თვალწინ თამაშდება” – მიხეილ სააკაშვილი

რეგიონში შექმნილ გეოპოლიტიკურ რეალობაზე საუბრობს საქართველოს მე-3 პრეზიდენტი, მიხეილ სააკაშვილი და მედიას მიანიშნებს ამ მიმართულებით ყურადღების გამახვილებისკენ:

“ივანიშვილის რეჟიმი ხელს უშლის სომხეთს და აზერბაიჯანს შორის ნორმალიზაციას. საქმე იმაშია, რომ აზერბაიჯანმა მიიღო ისტორიული გადაწყვეტილება, სომხეთისთვის ნავთობპროდუქტების რეგულარულად მიწოდების, რაც ამ ეტაპზე მხოლოდ საქართველოს რკინიგზის გავლითაა შესაძლებელი. ხოდა აქ ქოცებმა ისეთი ტარიფი დაუწესეს, რომ ამას სჯობდა პირდაპირ უარი ეთქვათ.

ივანიშვილმა შეუძლებელია არ იცოდეს, რომ ასეთ ტარიფს ვერავინ გადაიხდის, ამიტომ აქ მიზანი სომხეთ-აზერბაიჯანის დაახლოების, ტრამპის დერეფნის პოლიტიკის დაბლოკვაა და სხვა არაფერი არ ვიცი ამით ტრამპის ყურადღების მიქცევა უნდათ თუ უბრალოდ მოსკოვის დავალებებს ასრულებენ.

ამასობაში აზერბაიჯანის საზღვრიდან ყველა ფურასაც უშვებენ თბილისის საჯარიმო სადგომზე. საზღვარზე თითოს 1000 დოლარამდე სთხოვენ გასატარებლად, რაც მათთვის მიუწვდომელი თანხაა.

ამასობაში, ჩვენი ჟურნალისტიკის ნიუსებია სასამართლო და რომელმა პოლიტიკოსმა რა თქვა და თითქმის ვერ ხვდება ახალ ამბებში, ძალიან სერიოზული გეოპოლიტიკური დრამა, რომელიც ჩვენ თვალწინ თამაშდება“, – აცხადებს მიხეილ სააკაშვილი.